التحديات الغير مفهومه

نايس موضوع بجد يا زهرة ، التحدى والتنافس شئ كويس ولكن لابد ان يكون فى اطار الاخلاق والشرف وبدون ان يجرح اى طرف الاخر او يحاول ان يقوم بايذائة ، فمثلا التحدى او التنافس فى العمل ان يقوم كل طرف فى الاجتهاد فى عملة وتاديتة على اكمل وجة فبذلك يكون شئ جميل سيؤدى الى الارتقاء بالعمل ، اما اذا كان التحدى هو ان يقوم كل طرف بمحاولة عرقلة الاخر فبذلك سيكون هذا النوع من التحدى رخيص ودنيئ وهذا النوع شائع الحدوث فى بلدنا ووطننا العربى وهذا هو سر تاخرنا.

نايس مشاركه يا زياد الله يعزك ويوفقك ويقدرك على تحديات مصاعب الحياة الا هو انت اسمك حب احلى ولا زياد ههههههههههههههههههههههههه

انا كنت بدور علي كلام اقوله بس الناس دي مشي حاجه

نايس كلكم

نايس مشاركات فعلا بس ياترى هل التنافس السلبى دا بيخلينا نوصل بردوا للى عاوزينه بردوا من امور حياتيه مبنيه عالاطماع فقط؟ ياترى يا هلترا فهمتونى ولا اروح العب مع القطه

زوززه سؤال رفيع

هو ليه تنافس؟

ليه مش تعملي اللي انتي عايزاه وخلاص؟

وليه تحطي روحك في تفكير ده تنافس شريف والا نو؟

وليه تفكري في حاجه بيعملها غيرك وتبدأي في التنافس؟

ليه مش تكوني شخص مستقل؟
ليه تحطي نفسك في موقف انو يكون نيتك تنافس شريف وتتفهمي بغير شكل؟

اخيرا حد فهم انا عاوزة اقول ايه اهى اسألتك دى يا منى اللى رد على الموضوع هو دا كل الاسئله دى لو كل واحد فكر بيها ورد على نفسه هنرتاح كلنا ماحدش هيبص لحد ولا هينافس حد فى حياته ولا دراسته ولا رزقه علمت ان رزقى لن يأخذة غيرى فأطمئن قلبى ناااااااااااااااااايس رد فى شكل اسئله يا فستوكه زوزو بتفكر فى الاجابات عشان تبقى شطورة

والله يا زوزو انا شايفه انو كل ده مالوش اي لازمه

كل واحد يخليه في نفسو بس وخلاص ويحمد ربو علي كل حاجه

ومش يبص لحاجه غيرو ولا الانتصار عليه
وبس يدور علي النافع ليه مش النافع لغيرو

بسم الله الرحمن الرحيم
اول مرة اعقم علي موضوع من يوم ما دخلت المنتدي بس انا هعقم عشان اقلك لماذا نحن خلقنا ولماذا قدر الله علي الخير والشر وهو في غني عنا لماذا وجدت كلمة لماذا ولما ومتي مع انها ذكرت في القران لماذا خلق الله السماوات والارض في ستة ايا وعنده القدرة علي خلقها في اقل من الثانية .
يقول الله سبحانه وتعالي (ولقد كرمنا الانسان ) تكريم الانسان ليس بالعقل فقط ولو كان بالعقل كما يقول الناس فهذا خطا لان عقول الناس تتفاوت ولان النمل بها عقل والطيور بها عقول ولكن لكل مقدار ولذلك الانسان مكرم بالتدبر في التفكير والامعان في كل ما هوصحيح ولا يغضب الله وما من لفظ انزله الله بمكروه ولكن عدم استعماله في الخير يؤدي الي اما غرور وكبرياء او شرك والعياذ بالله معظم اللي شاهدوا الموضوع بتاعك اتكلموا بصيغة طبيعه البشر ولا فكروا ما المقصود من التحدي هل تحدوا في الخير ام في الشر عمر بن الخطاب كان يسابق ابو بكر الصديق في الخيرات ودائما الغلبة كانت لابي بكر هذا تحدي ولكنه في الخير وهناك تحدي النفس كما يقول عز وجل (النفس امارة بالسؤء) هذه لابد ان نتحداها والكلام فيها كثير.
لو كل انسان نظر لكل شخص نظرة محبة حتي لو ميعرفهوش هيبقي سعيد وذهنه صافي وقلبه خالي من ذرة حقد وسينال احترام الطرف الاخر الكلام في الموضوع ده كتير جدا وبقلك وفقك الله علي انك اجتهدتي في تقديم موضوع شيق وفيه منافع كتيرة.
بارك الله فيكي .
ابن فقر

ابن فقر كلامك كلو حلو جداً

وكلام الناس كلها حلو

بس عندي ليك سؤال

ممكن؟

اكيد بتقولي ممكن طبعاً اتفضلي

هتفطل اهو

بص السؤال هو

هل انت محتاج شخص اخر لتتحداه في فعل الخير؟

كمان سؤال اجمد

هل انت محتاج شخص اخر تتحداه في التقرب من ربك؟

ما طالما مش نابع من جواك عمرك ما تديه حقو او تعملو علي اكمل وجه

دول بقي كام سؤال كده بسرعه

انت فين من ده؟
ليه مش تكون انت اللي الناس بتتحداك
والا انت لسه صغير محتاج حد يشدك؟

والا حب ربنا والتقرب منو وفعل الخير محتاجين تقليد وتحدي؟

بسم الله الرحمن الرحيم
الاخت فستك كل الاسئلة اللي بتقوليها كتبتيها وحضرتك فكرتي كتير قبل ما تصيغي السؤال اكيد كلامي صح .
المهم ان معظم الناس لما تقربي منها تلاقيهم قلبهم ابيض وعايزين يعيشوا في حب وامان من كل شيء وعشان تعرفي مين الوحش هتحتاري لكن لو فكرتي في الحياة بمضمونها هتلاقي ان ربنا سبحانه وتعالي بحكمته قدر علي كل انسان هم يشغل باله في التفكير مما يجعل الشخص ينتقد كل من يعبث بعقله او همه او تفكيره ولذلك هذه الدنيا نحياها غرباء .
اما بالنسبة ليا انا فأنا انسان ولما تكبري وتفهمي معني كلمة انسان مش هتسألي الاسئلة الحلوة بتاعتك دي .
لو مش عارفة معني كلمة انسان تابعي يوميات ابن فقر وهتعرفي .
اما بالنسبة للناس لو سالتيهم هتلاقيهم كلهم بيقولولك انهم بيحبوا ربنا وبيحبوا الخير لكل الناس بس اين هم من الخير واين هم من الله ،حاولي تسألي نفسك ومن غير ما تجاوبي في المنتدي بس بينك وبين نفسك كام مرة خشيت الناس ولم تخشي الله عز وجل .
اما حكاية حد يتحداني في فعل الخير فبقولها لكل الناس ومن اعماق قلبي اتمني ان اجد كل الناس افضل مني في الخير ،ولعلمك مهما عملنا لن نوفي بعض او ذرة من جزء صغير من كرم الله عز وجل علينا .
ويا ريت يكون عملنا ابلغ من قولنا وخير دليل علي صدقنا مع انفسنا ولايجب ان نرايء الناس حتي لايتبلد عندنا الاحساس .
وختام كلامي (وسارعوا الي جنة عرضها السماوات والارض اعدت للمتقين)

ابن فقر