اصعب فزورة فى العلم ادخل ورينى ذكائك؟؟؟؟

واحد عنده تلت بنات مجوزين في تلت عمارات وهو طالع العماره الاولي ادي للبواب جنيه وبنته ادته فلوس ع اد الفلوس اللي معاه وهو نازل اد للبواب جنيه?
وفي العماره التانيه وهو طالع اد للبواب جنيه وبنته ادته فلوس ع اد الفلوس اللي معاه وهو نازل ادي للبواب جنيه ?
في العماره التالته ادي للبواب جنيه وبنته ادته فلوس ع اد اللي معاه وهو نازل ادي للبواب جنيه متفضلش معاه حاجه خالص يبقي كان معاه كام في الاول ???

OplisT المدينة / المحافظة : cairo

طب ايه ع اد ديه؟؟؟؟؟؟؟؟؟ Cool

اقرئها كويس وهتفهم هههههههههههههه

OplisT المدينة / المحافظة : cairo

د ه ايه الاب اللى رايح يزور ولاده ومعهوش فلوس ابهات آخر زمن

Owner الموقع : Egypt_AhLa_DoniA

اعتقد 2 جنيه

ادي اول واحد جنيه اتبقي معاه جنيه

وبنته ادته قدو يبقي اتنين

فا ادي التاني جنيه

زائر

عروستى

بس هو كان معاة من الاول تلاتة جنية اعطى لكل بواب جنية و هو طالع و بناتة كانوا بيدولوا الجنية لكل بواب و هو نازل فروح البيت ملفيش معاة فلوس خالص Basketball

شاطورة انا صح ؟؟؟ اوعى تقولى مش صح اكيد اجابة صحيحة geek

Owner الموقع : Egypt_AhLa_DoniA

غلط يا تمر لأن بنتو بتديه قد اللي معاه يعني لو معاه اتنين جنيه وبياخد منها اتنين جنيه هيبقي كتير
لكن هو بيتبقي معاه جنيه وبياخد جنيه

علشان اخر جنيه اداه للبواب ومش اخد منها حاجه

والله واعلم

هههههههههههههههههههههه
عوزاكو تفكرو

Owner الموقع : Egypt_AhLa_DoniA

طيب لو خليتي البنت تديني انا قد اللي معايا هفكر تاني

بس اخد مصلحتي

ها ها ها هاااااااااااااااااااااااااااااااااااااه

انا ايه اصلا جابنى هنا يادى النيله عالزهايمر تصدقوا كنت داخله المطبخ ههههههههههههههههههههههههههههههههههههههههههههههههههههه pale

اعتقد انه كان غبى اصلا يدى للبواب ليه وهو طالع وهو نازل كده بتطمعوا البوابين فينا عييييييييييييييييييييييييييييييب affraid

العواف بقى عليكو رايحه المحطه scratch

يادى النيله كنت رايحه المطبخ اهو كنت ناقصاكم انا بتزودولى الزهايمر بفوزيركم المعقربه دىىىىىىىىىىىىىىىىى lol!

OplisT

بصي يا ستي انا حليتها حسابيا اذا مكانش فيها لعب في الالفاظ والكلام المهم هوا طلع كان معاه 2.625 جنيه مش تسأليني ازاي بس هيا كدا نحسبها سوا

- في العمارة الاولى البواب 1 هياخد جنيه يبقى :

2.625 -1 = 1.625

- الابنة 1 هتضاعف المبلغ يبقى :

1.625 * 2 = 3.25

- الراجل هينزل للبواب 1 هياخد جنيه يبقى :

3.25-1=2.25

- هيروح العمارة التانيه البواب 2 هياخد منو جنيه يبقى :

2.25 - 1 = 1.25

- هيطلع للأبنه 2 هتضاعفلو المبلغ يبقى

1.25 * 2 = 2.5

- هينزل للبواب 2 هياخد منو جنيه يبقى :

2.5-1= 1.5

- هيخش ع البواب 3 هياخد منو جنيه يبقى :

1.5-1 = 0.5

- هيطلع للأبنة 3 هتضاعفلو المبلغ يبقى :

0.5* 2 = 1

- هينزل للبواب 3 يديلو الجنيه الي معاه ويبقى :

1-1 = 0

ويا عيني يطلع من العمارة التالته مش معاه حاجه

اجابة رابيد شير صح تسلم دماغك

شكررررررا لمرورك حماده
وناااايس اجابه

» ثالث اصعب فزورة!!!!!!!!
» فزورة بقى مالهاش حل
» العلم المصرى
» اصعب كلمه.............
» ادخل واعرف معنى اسمك !!!!