حوار مع مواطن سنة 2098

المذيعه: اسم حضرتك

المواطن: وائل هيثم

المذيعه: احكى لنا شوية عن ايام زمان

المواطن: أحكى ايه ولا ايه ولا ايه عن زمان....

متفكرنيش بايام العز....ايام الرخص...أيام الاحترام....

طب ده انا مثلا فاكر من حوالى40 - 45 سنة كدة

كان الواحد مننا ياخد من ايوة المصروف10 او 15 جنيه فى اليوم

وكانوا بيكفوا...ومابيفتحش بقه...مش زى دلوقتى....الله يكون فى عوننا...

.ده انا فاكر ان عمرى ما ناقشت بابى هيثم الله يرحمه ف المصروف....


زمان الواحد كان محترم في لبسه كان الولد لابس البادي الكات

او البنطلون الجينز الديرتى المقطع وخلاص.....

والبنت تلاقيها ماشية باحترامها لابسة المينى جيب والاستوماك

او البنطلون الاستريتش و خلاص...لكن لبس اليومين دول....

اجارك الله


زمان المصاريف كانت محدودة...فين ايام ما كيلو اللحمة كان بـ 45 جنية بس...

.. كانت ايام..

وبعدين زمان كانت ابواب البيوت تتقفل من بدري يعنى الساعة 4 الفجركدة...

وكان الابهات ليهم شنة و رنة....يعنى ماتلاقيش واحد بيعلى صوته على ابوه



زمان كنا بنذاكر على الاغانى الطربية الاصيلة....فين ايام الاغانى الاصيلة

زى بحبك يا حمار و العنب العنب العنب....لكن اغانى اليومين دول

لا ليها طعم ولا لون و الكلمات بقت مالهاش معنى....

طب قارنى بين مطربات زمان زى الست روبى

و الست دانا و الست هيفا....لكن مغنيات اليومين دول

....فين ايام الفن الاصيل


==================
هههههههههههه
ايه رايكم اهو زمنا ده هيبقوا بيحكوا ويتحاكوا عليه

يسلم بقك اكييد هناك فرق شا سع بي ن زمان واليووم بس كنت رائع في لفت انتبا هنا للنقطه



دي من خلال الحوار



نايس موضواع ونايس حور وكله على بعضه حلوووووووووووووووووووو

ههههههههههههههههههههههههههههههههههه

يا خوفي هيكون شكلنا عامل ازاي وقتها

وفين بقي ايام الجنيه بابا بيقولي كان بيجيب فطار وغدا وعشا بالجنيه

وعلي شرط يجيب في الغدا لحمه

هههههههههههههههههههههههههههههه

سبحاب الله

شكلك اية يامنى هو انتى هاتعيشى لغاية سنة 2098 ، ونايس يا جوليت هى دى الحقيقة فعلا ما حدش عاجبة حالة كلة بيترحم على ايام زمان