كيف تعرف جديه حب النت حب النت بين الواقع و الوهم

New User

اقدم لكم اولى موضعيى ارجو ان تحوز على اعجابكم

هل من الممكن ان تحب شخـص لم تره في حيا تـك؟؟؟

هل ممكن ان تحب شخص معك في المنتدى اوالمسنجر او تتحدث معه

عـبـرالهاتف فقط !!!؟

طبعاً الكلام شامل معنى الحب في الله

والحب تحكمه مشاعر لا تعتمد على الرؤية بالغالب وانما تحب الشخص

لشخصه فقط لا لشكله ومن جهة أخرى فالحب نبض ومشاعر يكتمل

بالنظر ويبقى الحب أحساس لا هو نظرة..

وهناك أختلاف بين الحب في الله لشخص ..

مثلا احب شخصيه فلان من مشاركاته ..

أحب أسلووب فلا نه في الرد ..

هذا الحب اي احب شخص لشيء التمسته منه من خلال تعاملي..

ولكن هناك حب من نوع أخر((العشق والغرام)) تحب شخص وتتعلق به

لحد جنون ويصير شخص مهم في حياتك صعـب تبتعـد عـنه من هذه الأمور

هل تتعتقدوا ان محادثات المسنجر او التلفون تكفي كي نحب الشخص؟

او تؤيد ان النت عباره عن مقالب وصدمات في الاشخاص فهو عالم خفي ؟؟

موضوع يحير الكثير والكثير

بالرغم من ان اجابه هذه التساؤلات بسيطه جدا

يلا بينا نسمع الاجابه

اولا الموضوع ينقسم الي شقين

التأييد والمعارضه بالتالي انا هاطرح وجهتتين النظر
بمعني هأيد واقول السبب واعارض واقول برده السبب

نبدا بالتاييد ونفترض ان فيه حب عن طريق النت

في حاجه اسمها تواصل الارواح بدون التقاء الانظار
يعني انك تتعلق بالروح بالشخصيه بالاحساس اللي يوصلك من خلال كلام الشخص اللي قدامك
تحبه من غير ما تشوفه تحبه حتي لو كان شكله مش حلو
مش مهتم بالمظاهر ولكنك مهتم بشخصيته
يعني بكده انت بتختار الجوهر وليس المظهر

نعارض ونقول انه ما ينفعش

ليه مانفترضتش انه بيخدعك او بيضحك عليك ودي بتحصل كتير جدا
ايه اللي يخليك تدي شخص الثقه من غير ما تعرفه

هتقول الحب

افرض هو بيلعب بيك وبمشاعرك بيتسلي يعني
وحكايات كتير نقولها ف الموضوع ده وحصلت
بس احنا مش عايزين نعمم ونقول فيه حب عن طريق النت وبرده مش عايزين نظلم ونقول مافييش

وف الموضوع ده هنلاقي اراء كتير جدا ومختلفه

بس احنا مش هنقدر نوصل لحل نهائي

لسبب بسيط جدا

ان الاراء كلها تقريبا صح

يعني فيه حب ع النت ومافييش

وعلي فكره الحب الحقيقي عن طريق النت بيبقي نادر جدا

لان معظم اللي بيدخلوا نت مراهقيين
وفي فتره المراهقه الانسان مش بيبقي متأكد من مشاعره
احاسيسه بتبقي مختلفه ومضطربه

بالتالي مانقدرش نحكم عليها صح من خلال مراهق
فلازم نحكم علي الموضوع صح من خلال ناس ناضجه بتفكر صح
وعلي فكره برده فيه مراهقيين بتحب حب حقيقي من علي النت
بس ده شئ نادر جدا جدا

الموضوع كبير يا جماعه والكلام فيه كتير
زي ما بيقولوا كده السهل الممتنع

ف مره سمعت مقوله ف الموضوع ده عجبتي جدا جدا

***********************

لو كان الحب جسدا لما ذاقه الكثيرون
لكنه روح تصفوا
وسحر ياخذ الروح الى مكامن الجمال
فلا حاجة له الى المادة ليصل
فهور شعور روحي
اقوى من المسافات واقوى من البعد
بل ان روح طاهره تتمناها لك حباً ولقلبك عشقاً
تكون بعيدةً عنك
بل ممكن ان يكون من بجانبك ذئاب تنهش من جسدك بلا رحمه
فما بالك لو وجدت في المسافات حباً افتقدته
وروحاً تمنيتها ان تكون لك
الحب في النت موجود
لكنه نادر
لاكن هناك امر واحد
لو ان هذا الحب كان صادقاً
لكان اعظم حب واعظم عشق
لانك لم تحب حينها جسداً ناعماً او وجهاً جميلا
ولكنك احببت الروح

واثبات لكلامي اللي فات انا هاقول شويه تجارب حقيقه
خدتها من الناس ونقلتها لكوا عشان أكد كلامي

***تجارب ***

ف واحده اعرفها عايشه قصه حب حاليا عن طريق النت
قصه حب رائعه اتعرفت عليه من اكتر من سنه وبدا الموضوع واحده واحده
لحد ماعرفوا بعض كويس ودلوقت بسم الله ما شاء الله بيحبوا بعض جدا
ومتفقين علي الجواز اما يخلص كلية هايخطبها
ربنا يتمم لهم علي خير

حكاية اخري
اتنين اتعرفوا علي بعض وبعد فتره مش طويله فوجئت البنت انه بيعترفلها بحبه
هي كانت عجبتها الشخصيه جدا اتشدت ليه افتكرت نفسها بتحبه
هي كانت ممكن فعلا تحبه
بس اكتشفت انه بيضحك عليها وقال الكلام ده لغيرها وغيرها
قلبها انكسر قفلت باب الحب قالت خلاص مافيش حب ف الدنيا
مش بقت تأمن بحب النت نهائي وهو عادي جدا
ويمكن يكون دلوقت بيقول نفس الكلام لغيرها

واحده جالها اضافه ع النت فقلبت لقت واحد بيقولها ممكن نتعرف
فوافقت قعدوا يتكلموا شويه طلب يشوف صورتها ورفضت
قالها اوصفيلي نفسك وسالها عن شكلها وهي وصفت بس مش تفصيل
واخدهم الكلام ومن اول مره قالها بحبك وهتجوزك
طبعا هي مش صدقت وحاولت تفهمه انه ماينفعش والكلام ده
تاني مره بيقولها نفس الكلام بس للاسف هو مش كان بيحبها ولا حاجه
كان هدفه غير كده خالص
استخدم الحب وسيله لارضاء رغبه عنده
انه يتكلم ف حاجات خارجه عن الادب
لكن البنت رفضت تماما ونهت الموضوع من اوله

وحكايات كتير وكتير
بس انا حبيت اجيبلكوا من كل بستان زهره زي ما بيقولوا
عشان تعرفوا زي مافيه علاقات فاشله ع النت فيه علاقات ناجحه بس نادرا
واكيد انتوا كمان عارفين حكايات اكتر واكتر
ياريت اللي يعرف حكاية او عايز يضيف كلام علي اللي انا قولته يتفضل
عشان كلنا نستفيد منه
لان الموضوع يهمنا كلنا
ياما انت بتحب من علي النت او حد بيحبك من علي النت
او تعرف واحده او واحد بيحب من علي النت
فياريت كلنا نشارك بفاعليه ونفتح قلوبنا لبعض ونتكلم
عشان نفيد بعض

فى بدايه الكلام اقولك نايس موضوع
وثانيا احب اقولكم ان حب النت وسيله زى اى وسيله تانيه للحب زى الجامعه النوادى
بس لو الحب ده من ورى شاشه بس احب اقولك انها هتفشل تماما
شكررراا flower

OplisT المدينة / المحافظة : السويس

نايس موضوع بس احب قولك مش كل صوابع الايد زى بعضها

النت والوقع الحب فيهم والحمدلله شىء واحد

فلو انت هتحب ف الواقع عندك احتمالين انك تفشل وتنجح

وكذلك النت برضوا ممكن تفشل وتنجح

الملخص المفيد ف الحب انك تختار صح عشان مش تفشل وترمي اللوم علي انه كان نت

خليك مخلص وعارف حقوق الطرف الاخر عليك وانت مش هتفكر تشيل اي شىء او شخص سبب انفصالك .

كان راي واليكم الاجوان بالتنقيط
1
2
3
4
5
6
ونيس جون يا احمد زمالك

اخوك عمرو

Owner الموقع : Egypt_AhLa_DoniA

الحب هو الحب في اي مكان بره او جوه نت
المهم الحب الصادق المبني علي الصدق
مش يمكن يكون نصيبك في النت

فكر في ان ربك يسبب الاسباب
وكمان ممكن قصه من النت تنجح ويكون النهايه جواز ناجح واولاد صالحين
ومحتمل الفشل والطلاق
طيب وهو بره النت مش ممكن اتنين برضه اخرهم طلاق؟
كل شيء جايز مافيش قواعد ثابته
ده نصيب

ونايس توبك

OplisT المدينة / المحافظة : cairo

نايس زمالك مشاركه
انا عن نفسي مكنتش مقتنع بحاجه اسمها حب من عالنت بس اكتشفت ان فى ناس اعرفهم حبوا واتجوزوا كمان من جوه النت وعايشين زى اى اتنين حبوا بعض اهم ما فى الموضوع اختيارك للى بتحبوا مش ده وتتأكد من مشاعره نحيتك عشان متوهمش نفسك.........

OplisT المدينة / المحافظة : cairo

نيس يااااااادرش

والله نايس موضوع يازمالك بس اقولك ايه يموت المعلم ولا يتعلم بس زي ما ردت

الناس عليك الحالتين ممكن تفشل والحالتين ممكن تنجح والعيب لا هو على النت ولا هو على برة

النت .. العيب فينا احنا .. احنا ال بنحب نجرح بعض احنا ال بنحب وبنفشل .. لو كل واحد

وواحده ارتبطوا ببعض عن صدق وكل واحد فيهم مش جواه خيانه وعارف من قبل ما يحب التاني

من جواه انه هيسيبه من قبل ما يرتبط بيه حتى .. اظن ده حقيقي البنت بتبقا عارفه وبتقول مش

هتكمل والولد بردو بيقول من جواه مش هتكمل بس اهو نجرب .. لكن لو كل واحد قبل ما

يرتبط بالتاني اتعامل معاه بصدق من جواه اكيد مش هيبقا في اختلاف ولا برة ولا جوه ..

الاشخاص هما هما مش بيتغيروا يبقا العيب مش في النت . *** نايس موضوع ***

بص يا زيكو استنى بس افتكر كنت هقولك ايه عارف الومضه طبعا لاء لانك شبه الكورة هتقولى كده يا زهورة هقولك استنى عليه الومضه دى يعنى حاجه بتنور مرة واحدة للكفيف للعالم للشاعر للمخترع لاى حد مبدع او فاقد لنعمه البصر بتيجى كده تنورلوا الظلام اللى عايش فيه الحب بقى زى الومضه لما بيتوجد او بيجى سواء عالنت او برة لاننا مش منفصلين عن الحياه فى النت بالعكس بقينا اكتر من الاول منفتحين عالعالم كله فهتلاقى حياتك نورت بالومضه دى اتمنى لكل انسان يقابل ومضته قولوا اميييييييييييييييييييييييييييين بس تكون ومضه حقيقيه مش مزيفه نايس موضوع يا زيكو اختك زوزو flower

» :::: حـوار بين اتنين اتجوزوا من على النت ::::
» الجديد × تعرف على شخصيتك من لونك